Les mots surlignés font l'objet d'une note
1Monsieur, vous trouverrés dans ce paquet les letres qu’il vous a pleu me
2communiquer de messieurs l’arcevesque d’Ambrun, Chastelard, commandeur de
3Vaugodemard, Montbrun et Champolion. Je delivray hyer les votres adressés
4audit sieur d’Ambrun et de Rousset, au capiteyne Marc, qui est departy
5ce matin. Je baliay en meyn celles des estatz à monsieur de Saint-Jean,
6qui les porta à monsieur de Grenoble. Le chevaucheur de ceste ville
7m’a asseuré avoyr faict corir ce matin votre paquet à monsieur de
8Mandelot et de vous avoyr envoyé deux paquetz du roy, qu’il me
9porta hyer au soyr, que je luy renvoyay incontinent pour ne
10trover home seur qui alla, et me doutant, pour avoyr veu les
11paraphes mis à la superscription qu’il y eust chose hastée.
12Ce matin les gens du roy nous ont monstré une letre à eulx escripte
13du vibalif de Gap, qui tient tousjours les choses en doubte comme
14il en a quelque occasion, més il ne touche aulcune specialité à laquelle
15lon se puisse ataquer. Nous avons faict venir Bonvert, qui est
16de retour au bureau, et n’avons guieres plus apris de luy,
17sinon qu’à Saynct-Bonet, à ung jour de foyre, plusieurs de la
18religion du Champsor s’y trovarent et, comme a rapporté ung quidam
19audit vibalyf, tindrent quelques propos, ou de moquerie, ou de demy-
20menasse, concernant la religion. J’estime qu’on vous envoyera la
21letre dudit vibalif ou qu’on vous advertira d’alieurs. L’on a aussi
22ce jourd’huy eslargi Lironifa. Quant à present, à caution j’entens qu’il
23se veult catholiser et qu’il se trovera catholic qui le cautionera.
24Nous accommodames hyer les affayres de monsieur de Saint-André
25et mademoiselle de Montavit. Toutes les parties m’ont remercié
26et parlent fort overtement d’estre contentz ; et en verité ilz nous
27ont bien aydé ; et quant au faict qui consistoyt plus en leur conscience que
28en notre scavoyr ils y sont alles fort franchement. Je voys sur ce
29prier le Createur, Monsieur, vous doner, en santé, heureuse et longue vie, sa grace.
30De Grenoble, ce IIIe doctobre 1572,
31Votre humble serviteur.
32G Deportes
33Je n’ay encores aulcunes novelles de monsieur de Modieu.
34